Sot në Shijak është zhvilluar mbledhja e Asamblesë Socialiste të Bashkisë. Mësohet se në fjalën e tij drejtuesi politik i Qarkut, Vangjush Dako kërkoi angazhimin e strukturave në të gjitha nivelet, në shërbim të zgjedhjeve të 30 qershorit. Sekretarja e Organizimit Elektoral, Blerina Gjylameti bëri me dije se:
Postimi:
Bashkë me Sekretarin Organizativ Arben Pëllumbi, drejtuesin politik Vangjush Dako,ministren Belinda Balluku, deputetin Ilir Ndraxhi dhe drejtues lokal të Shijakut zhvilluam mbledhjen me asamblenë socialiste të zgjeruar Shijak .
Kontrata jonë me qytetarët është e distancuar nga çdo kompromis, që del në kundërshtim me zgjedhjen dhe votën e tyre.
Bashkëpunimi dhe dialogu janë vlerat e rrugëtimit tonë politik ndaj mbetemi të hapur të flasim me opozitën, por në asnjë çast duke shkelur parimet e demokracisë që përdhosin legjitimitetin e zgjedhjeve.
Kushtetuta përcakton 30 Qershorin si sfidën tonë të radhës dhe ne do të jemi aty me vëmendjen tek njerëzit për të përmirësuar çdo ditë e më shumë projektin e madh për Shqipërinë që duam.