Presidenti Ilir Meta i përgjigjet akuzave për lidhjen e Kelment Balilit me partinë që ai ka drejtuar dikur, LSI-në.
Meta nuk e ka mohuar se mund ta ketë takuar dikur Kelment Balilin, kur ka qenë i pranishëm në inagurimin e kompleksit Santa Quaranta, por thotë se përveç se mund t’i ketë dhënë dorën, s’ka patur asnjë takim “të veçantë” me të.
Në emisionin të Paekspozuarit, Meta u shpreh se nipi i Kelment Balilit, Rigels Balili, aktualisht kryetar i bashkisë së Delvinës, është kandiduar nga LSI, pasi ka qenë i përshtatshëm dhe ka kaluar të gjitha verifikimet.
Pyetje: Dje autoritetet e ligjit, policia e shtetit, më konkretisht drejtori i Policisë, ishte një akt i turpshëm, me temena me të gjitha, u mor Kelment Balili. I cili u rrit me thënë të drejtën, fshatar jugor tipik i mençur. Qarkullojnë fjalë që ai ka qenë i lidhur me PD, më pas me partinë tuaj dhe me këtë aktuale. Besimi te partitë politike ka ikur edhe për këto arsye. Ju si parti, dje, jeni akuzuar se keni patur lidhje me Balilin.
E para, ajo që dua t’ju them e përshëndes faktin që më në fund Kelment Balili, një person i akuzuar për trafiqe mjaft serioze duhet të përballet me drejtësinë. PAvarësisht dobësive të agjencive tona, është ky presion, përfshi edhe partnerët ndërkombëtarë, që ky zotëri të përballet me drejtësin.
Në kohën që unë kam drejtuar LSI, Rigels Balili, kryetar i Bashkisë së Delvinës, një person i verifikuar. Ishte tërësisht i besueshmë dhe me të dhënat e duhura për të kandiduar. Rigelsi është nipi i këtij në mos gaboj. Këta janë një fis i madh, 2 mijë apo 3 mijë veta. Kështu që unë nuk e kuptoj çfarë lidhje mund të them. Përsa i përket raportit tim me të, nuk kam patur asnjë. Nuk mund të them që nuk i kam dhënë dorën, kur kam qenë te Santa Quaranta, se kanë qenë mijëra njerëz aty, por nuk kam zhvilluar asnjë takim të veçantë. Në momentin që ky person është vendosur nën akuzë, unë kam qenë i pari që kam mbledhur Komisionin e Sigurisë Kombëtare për të vënë në lëvizje të gjitha institucionet.