Debate dhe akuza të forta kanë shkëmbyer në sallën e Kuvendit të Shqipërisë, deputeti i PD-së Edmond Spaho dhe zv.Kryeministrja Belinda Balluku. Zv. kryeministrja Balluku i tha publikisht Spahos: Ti je si qen i lidhur tek karrigia!
“Mondi fokusohu te familja jote, u bëre hero, do marrësh medalje nga Saliu. Familjen time e ke përmendur 2 seanca më parë. Historitë e hidhura të familjes time i dinë të gjithë, kanë bërë mbi 130 vite internim. Ti nuk ke tagrin të flasësh për familjen time. Ti Ina mos e duartrokit. Del këtu mos të bëj gabime unë. Ai e ka fiksim të përmendë familjen time. Ju nuk e keni idenë sa krenare jam për familjen time. Ka dhe medikamente për të ulur tempin. Duhet recetë mjekësore” – tha Balluku.