Policia e Bolonjës ka vënë në pranga një 51-vjeçar shqiptar me akuzën e plagosjes. Gjykata kishte vendosur ndaj tij masën e sigurisë arrest shtëpie.
Ngjarja për të cilën akuzohet ka ndodhur në orën 21:50 të datës 13 dhjetor të vitit të kaluar.
Ai plagosur me bisturi në fytyrë një banakier kinez 49-vjeçar pasi ky i fundit refuzoi ta linte të përdorte makinetat e lojërave të fatit jashtë orarit.
Konkretisht, klienti shqiptar pasi ka debatuar rëndë me banakierin, ka shkuar në tualet dhe pasi ka dalë jashtë është afruar në banakun e klubit, duke e goditur me bisturi në fytyrë banakierin.
Banakieri qëndroi 15 ditë në spital për një “plagë të madhe në anën e majtë të fytyrës “.
Në sajë të dëshmive të marra nga klientët e tjerë, karabinierët ranë në gjurmët e shqiptarit me banim në Bolonja dhe me dosje policie.