Një 20-vjeçar është vënë në pranga nga Policia e Tiranës pasi ka aksidentuar me makinë një 11-vjeçar. Sipas policisë, i arrestuari është shtetasi D. Sh., 20 vjeç, banues në Tiranë.
Arrestimi i tij u bë për veprën penale “Shkelja e rregullave të qarkullimit rrugor”, pasi duke drejtuar automjetin, ka aksidentuar një 11-vjeçar.
I mituri ndodhet në spital jashtë rrezikut për jetën.
Materialet i kaluan Prokurorisë, për veprime të mëtejshme procedurale.