Policia në New York ka arrestuar një vandal që me çekiç në dorë theu fytyrat e statujave të Nënë Terezës dhe të Papës jashtë një kishe në Brooklyn të New York.
30-vjeçari Randy Maldonado Avila, jo vetëm që kishte thyer me çekiç statujat por më pas kishte goditur dyert e xhamit të kishës St. Dominic në Bensonhurst, dhe kishte vazhduar serinë e vandalizmit duke shkatërruar një tabelë në një stacion autobusi, njoftonte më tej policia.
Nuk dihen arsyet e zemërimit të 30-vjeçarit me figurat e kishës. Ai u arrestua rreth 15 minuta pas akteve shkatërrimtare dhe u akuzua për shkelje vandalizmi, zotërim arme të ftohtë, sipas policisë së New York. Mediat vendase thonin se ai mund të akuzohet ose për vandalizëm, ose për “krime urrejtjeje”.