Gazetari Mentor Kikia ka reaguar lidhur me foton e publikuar nga ndërtimet në Aeroportin e Vlorës ku shkruan se nga lart dukej si në Sahara. “I shokuar”, shkruan Kikia teksa zbulon se është përballur me një lumë mesazhesh.
Postimi i Mentor Kikisë
I shokuar…….
Duke qenë se po punoj për ca dokumentarë mbi ngrohjen globale, jam futur pak më thellë në këtë çështje për të kuptuar se çna pret.
Pashë një foto që kishte postuar qeveria për aeroportin e Vlorës, që nga lart dukej krejt si në Sahara e bëra një shënim për rrezikun që ka rajoni jonë, Mesdheu në tërësi e Shqipëria bregdetare bashkë me të, nga ky fenomen natyror.
E u lëshuan ca, ca si shumë dmth, komentues që shqetesoheshin se kisha kritiku qeverinë për një punë aq të mirë, e kisha përgojuar aeroportin….Në fakt unë vetëm foton kisha marrë nga qeveria, e skishte asnjë kritikë, sepse e di qeveria jonë sado e zonja të jetë, ngrohjen e tokës nuk e ndalon dot.
Ca të tjerë me akuzonin për gjobëvënie.!!!! Ndoshta ndaj Zotit apo natyrës, se atyre u adresohesha.
Smë shqetësojnë komentet, por komentuesit, pra njerëzit që janë edhe votues. Kur perballesh me këtë nivel të shoqërisë, bindesh se ky popull ka pas, ka dhe do ketë hak çdo gjë që ti bëjnë.
Është gen, nuk ka shpjegim tjetër.