Edison Begaj, i cili u plagos disa dite me pare në Vlorë, është shoqeruar në Polici ditën e sotme, pas një aksioni blic ku moren pjesë Policia e Vlores dhe RENEA.
Edison Begaj është personi i cili u plagos pak dite me pare teksa po kthehej në shtëpi. Ai u qëllua me pistoletë në sy të fëmijëve nga një person i maskuar si polic.
Begaj, 38 vjeç, është qëlluar me pistoletë nga një person i veshur me uniformë policie, që i afrohet në këmbë. Drejt Begajt u qëllua pesë herë, mirëpo fatmirësisht për të katër plumba e prekën në këmbë duke e lënë të plagosur.
Ngjarja ndodhi mbrëmjen e 29 majit teksa e gjithë skena është parë nga dy fëmijët, të cilët ishin ulur në sediljen e parë të makinës së Begajt.
Pasi u plagos, Begaj është dërguar në spital nga bashkëshortja. Çifti ka lëvizur bashkë me fëmijët duke pasur frikën e një atentati të dytë.
Kush është Edison Begaj? Policia dyshon se Begajt iu bë atentat për ta vrarë për “larje hesapesh” ose “prishje pazaresh droge”.
Më 18 maj 2020 Begaj rezulton të jetë përfshirë në listën e “Operacionit Forca e Ligjit” si person i dyshimtë për paratë dhe pronat e tij.
Ndërkohë gjashtë vite më parë, më 19 mars 2015 ai dyshohet të jetë përfshirë gjithashtu në një përplasje me armë me policinë. Ai së bashku me tre persona dyshohet se po transportonin drogë me një makinë dhe kanë kundërshtuar me armë arrestimin.
Në vitin 2008, Begaj rezulton të jetë arrestuar së bashku me gjashtë persona të tjerë si pjesë e një grupi që trafikonin drogë dhe armë në zonën e Vlorës.