Një 25-vjeçar është arrestuar nga Policia e Beratit, pasi akuzohet për vjedhje.
Në pranga ka rënë i riu F. S., i cili i ka vjedhur me dhunë një sasi lekësh dhe aparatin celular një gruaje.
Njoftimi i policisë:
I vodhi me dhunë një sasi lekësh dhe aparatin celular një shtetaseje, vihet në pranga 25-vjeçari.
Specialistët e Seksionit për Krimet në Komisariatin e Policisë Berat bënë arrestimin në flagrancë të shtetasit F. S., 25 vjeç, banues në Berat, pasi në lagjen “30 Vjetori”, në rrugë, i ka vjedhur me dhunë një sasi lekësh dhe një aparat celular shtetases M. G.
Materialet i kaluan Prokurorisë pranë Gjykatës së Rrethit Gjyqësor Berat, për veprën penale “Vjedhja me dhunë”.