Një ngjarje e rëndë është shënuar para më shumë se 30 viteve, ekzaktësisht në 2 prill 1989 në Argios të Athinës, pasi një avion, të cilit i ishte vënë një bombë shpërtheu duke i marrë jetën katër personave.
Mediat e huaja shkruajnë se aeroplani i kompanisë amerikane TWA u ngrit normalisht nga aeroporti “Leonardo da Vinci” i Romës në mesditën e 2 Prillit 1986, me destinacion Athinën. Boeing 727 me një ekuipazh prej 7 dhe 115 pasagjerë operonte Fluturimin 840. Shumica e udhëtarëve ishin amerikanë dhe vazhduan udhëtimin e tyre nga Los Angeles dhe Neë York.
20 minuta para se aeroplani të ulej në aeroportin Eliniko dhe ndërsa fluturonte mbi Argos, një pajisje shpërthyese e vendosur në pjesën anësore të avionit shpërtheu, duke krijuar një vrimë me diametër dy metra në murin anësor të tij. 4 pasagjerë dolën si pasojë e shpërthimit nga aeroplani dhe 7 u plagosën.
Aeroplani po fluturonte në një lartësi të ulët dhe ky fakt u shpëtoi jetën pasagjerëve të tjerë, sepse përndryshe do të ishte rrëzuar. Ekuipazhi ndërmori veprime, duke i qetësuar pasagjerët sa më shumë që të mundeshin dhe piloti Richard Petersen, i cili u përshkrua si një hero nga shtypi dhe ekspertët, arriti të ulte me sukses Boeingin e kapur në aeroportin e Eelinikon, duke shpëtuar 111 qytetarët në bord.
Një hetim filloi menjëherë për të gjetur katër pasagjerët e zhdukur, të cilët përfundimisht u gjetën të vdekur, tre në një fushë në Argos dhe i katërti në breg të detit që ndodhej aty pranë. Ato ishin tre gra greko-amerikane (nëna, vajza dhe foshnja e saj tetë muajshe) dhe një amerikano-kolumbiane.
Një degë e organizatës terroriste palestineze “Bërthamat Revolucionare Arabe” mori përgjegjësinë për shpërthimin në shenjë hakmarrje për bombardimet e SH.B.A.-së në Libi muajin e kaluar.
Pavarësisht nga përpjekjet e autoriteteve greke, italiane dhe amerikane, autorët e bombardimeve nuk morën përgjegjësi.