Në kuadër të operacionit policor të koduar “Mesazhi” është vënë në pranga 33-vjeçari D.N., i cili dyshohet se është autor i 2 prej ngjarjeve me eksploziv në Shkodër të ndodhura në vitin 2020.
33-vjeçari u arrestua si autori i dyshuar i vendosjes së lëndës eksplozive, e cila ka shpërthyer në banesën e oficerit të Policisë në Komisariatin e Policisë Shkodër P. M. dhe në banesën e qytetarit Z. B., ngjarje të ndodhura në datë 4 Janar 2020, në qytetin e Shkodrës.
Bazuar në provat e grumbulluara nga hetimi, Gjykata e Rrethit Gjyqësor Shkodër ka caktuar masën e sigurisë “Arrest në burg” për 33-vjeçarin D. N., lindur dhe banues në Shkodër, për veprat penale “Shkatërrimi i pronës me eksploziv” dhe “Mbajtja pa leje e armëve luftarake shpërthyese”, kryer në bashkëpunim.
Nën drejtimin e Prokurorisë së Rrethit Gjyqësor Shkodër, strukturat hetimore të DVP Shkodër, po punojnë për identifikimin e bashkëpunëtorëve të mundshëm, si dhe për zbardhjen e ngjarjeve të tjera të kësaj natyre, ndodhur kohët e fundit