Mëngjesin e kësaj të premte policia ka bërë një kontroll blic në banesat e tre gjyqtarëve që shpëtuan Dritan Dajtin nga burgimi i përjetshëm në Apelin e Krimeve të Rënda.
Kanë qenë forcat speciale të policisë që kanë bastisur banesat pas lëshimit të urdhrave të kontrollit nga Gjykata e Krimeve të Rënda.
Sipas policisë, këto kontrolle vijnë pas informacionit se gjyqtarët kanë abuzuar me detyrën dhe kanë dhënë vendim në kundërshtim me ligjin, në favor të Dritan Dajtit. Petrit Aliaj, Skënder Damini dhe Aleks Nikolli janë gjyqtarët të cilëve po i kontrollohen banesat.
Gjykata e Apelit për Krime të Rënda pranoi gjykimin e shkurtuar, për Dajtin, i cili ishte dënuar me burg përjetë duke e dënuar me 25 vite burg për vrasjen e 4 policëve në gusht të vitit 2009.