Kryetarja e LSI-së, Monika Kryemadhi ka qenë e para që ka votuar në qendrën e saj të votimit në njësinë nr. 5 në Tiranë. Madje ajo tha me shaka se ia kaloj dhe presidentit, teksa bashkëshorti i saj Ilir Meta votoi menjëherë pas saj.
Kryemadhi tha për mediat se vota është e shenjtë duke i uruar suksese kandidatëve.
“Dua t’ju bëj thirrje sot të gjithë qytetarëve që t’ju drejtohen qendrave të votimit të qetë, të bindur, për atë që duan të realizojnë nëpërmjet votës së tyre.
Vota e qytetarëve është një votë e shenjtë, është një votë që për hir të së vërtetës do ti japë mundësinë dhe shansin të rinjve dhe të rejave, të gjithë qytetarëve, që nëpërmjet verdiktit të tyre të çojmë Shqipërinë më shumë se kurrë drejt Evropës.
Unë ju uroj suksese të gjithë kandidatëve, sidomos kandidatëve të LSI-së, siç ndodh gjithmonë, kështu që jam e bindur që fitorja do të jetë e patjetërsueshme për LSI-në”, tha Kryemadhi.