Pas sekuestrimit të 100 mijë eurove të padeklaruara një ditë më parë në pikën e kalimit kufitar të Muriqanit, një tjetër rast është shënuar në doganën e Rinasit.
Policia e Shtetit bën të ditur se bëhet fjalë për 26.500 euro si dhe ka nisur procedimi penal për J. S., 38 vjeç.
“Gjatë kontrollit në vijën e dytë të shtetasit J. S. 38 vjeç, i cili do të udhëtonte për jashtë vendit Policia Kufitare në bashkëpunim me doganën, i gjeti këtij shtetasi 26500 euro te padeklaruara në doganën e Rinasit, të cilat u sekuestruan në cilësinë e provës materiale”, thotë policia.
Lexo edhe- Tentoi të fuste 100 mijë euro të padeklaruara, kapet në doganë nga policia
Në përfundim të veprimeve materialet do ti kalojnë për veprime të mëtejshme Prokurorisë për veprën penale “Mosdeklarimi në kufi i të hollave dhe i sendeve me vlerë”