Ikën për ngushëllim në familjen e Faton Hajrizit, drejt pezullimit policët e Kosovës. IPK: Shkelje e rëndë

Inspektorati Policor i Kosovës ka kërkuar pezullimin nga detyra të komandantit të stacionit policor të Skënderajt, Muhamet Kajtazi, pasi ai së bashku me disa efektivë të policisë shkuan për ngushëllim te familja e Faton Hajrizit, i cili u vra javë më parë nga policia serbe. Vizita ngushëllimi për një të arratisur nga burgu i Kosovës dhe i vrarë në Serbi është “shkelje e rëndë diskredituese”. Veprimet tjera hetimore do të ndërmerren nga hetuesit e IPK-së bazuar në fushëveprimin dhe autorizimet ligjore të Inspektoratit Policor.