Dhjetëra mijëra Grekë kanë ikur nga vendi gjatë dekadës së kaluar në kërkim të perspektivave më të mira të karrierës. Tani qeveria Greke ka filluar një program stimulues të krijuar për të inkurajuar punëtorë të rinj të kualifikuar të kthehen në shtëpi.
Programi “Rebrain Greece”(Risjellja Mendjes në Greqi) drejtohet nga Ministria e Punës. Për të kthyerit shumë të kualifikuar, qeveria do të paguajë 70% të pagave deri në 3000 euro në muaj. Subvencioni do të zgjasë për një vit.
“Nuk është fjala për djemtë e artë”, tha Ministri Grek i Punës, Giannis Vroutsis për Euroneës. “Bëhet fjalë për grekë të rinj me një nivel të lartë studimesh që shkuan jashtë vendit për të gjetur një të ardhme më të mirë. Ne duam që ata të kthehen, për të ndërtuar këtë të ardhme më të mirë këtu në Greqi; për të sjellë njohuritë dhe përvojën e tyre në ndërmarrjet Greke. ”
Konstantinos Agrapidas, kreu i Drejtorisë së Përgjithshme të Marrëdhënieve të Punës në Greqi, tha se vendi po vuante për shkak të humbjes së punëtorëve të saj të aftë.
“Greqia ka paguar një çmim të lartë për shkak të ikjes së trurit të saj,” tha ai. “Familjet Greke dhe shteti Grek kanë investuar në këta të rinj. Tani Greqia renditet në vendin e 26-të nga 28-të e BE-së në aftësitë e integrimit dixhital.”