Një rast i rëndë pedofilie është zbuluar në Agrinio të Greqisë. Një djal 4-vjeçar është abuzuar nga një djalë 28-vjeçar. Ngjarja rëndohet akoma më shumë pasi nëna e pedofilit ka qenë në dijeni, pasi ka qenë dadoja e vogëlushit, ndërsa e ka mbuluar të birin që mos të zbulohej.
Futbollisti Dimitris Kravaritis në kohën kur akuzohet se ka ngacmuar fëmijën katër vjeç, ka qenë ushtar në një zonë aty pranë dhe e ka vizituar shpesh nënën e tij në shtëpinë e djalit, ku ajo punonte si dado. Kur 52-vjeçarja zbuloi veprimet e urryera të djalit të saj, jo vetëm i mbuloi ato, por e lejoi atë të vazhdonte t’i kryente.
Prindërit e 4-vjeçarit dyshuan se diçka nuk shkonte kur vunë re një ndryshim në sjelljen e tij, por edhe kur panë disa nga vizatimet e tij. Më pas, ata iu drejtuan një specialisti i cili e kuptoi shumë shpejt se çfarë kishte ndodhur.