Në momente të vështira ajo që dëshirojmë më së shumti është prania e njerëzve të dashur. Qoftë një fjalë e mirë, një përkëdhelje apo një shtrëngim duarsh na bën të ndihemi më mirë fizikisht por edhe shpirtërisht. Shpesh duket sikur sa më e madhe të jetë dashuria që ndjeni për njëri-tjetrin, aq më i fortë është edhe efekti. Natyrisht ka edhe skeptikë që bazohen në fakte dhe thonë se dashuria nuk ekziston; ajo është është thjeshtë një reaksion kimik i hormoneve tona. Por ky “reaksion kimik” mund të jetë më i fuqishëm sesa mendoni.

Mund të tingëllojë e pabesueshme, por të keni një partner që shtrëngon dorën tuaj në momente kur ndjeni dhimbje fizike apo shpirtërore, jua lehtëson vuajtjen.

Pavel Goldstein, psikologu që studion fuqinë e prekjes njerëzore, e zbuloi këtë gjatë një eksperimenti me gruan e tij. Kur bashkëshortja po sillte vajzën e tyre në jetë, prania e tij dhe shtrëngimi i duarve ia lehtësoi asaj dhimbjen. Goldstein e bëri këtë eksperiment edhe me 20 çifte të tjera në të njëjtën situatë. Në fund rezultoi se gratë që kishin pasur pranë partnerët kishin më shumë siguri dhe më pak dhimbje.

Goldstein konfirmoi se Ilaçi i Dashurisë në fakt ekziston, dhe e gjithë fuqia e saj gjendet te prekja e duarve. Në momente të vështira dhe dhimbjeje, një shtrëngim duarsh me partnerin ju “shëron”.

PËRGJIGJU

Please enter your comment!
Please enter your name here