Mjeku Arban Domi është shprehur se ilaçi që luftoi malarien, për të cilin bëri edhe një postim në Twitter Presidneti i SHBA-ve, Donald Trump, po jep rezultate pozitive në të gjithë botën. Në një lidhje me Skype në Twitter, Domi tha se ky ilaç është një shpresë dhe se ka dhënë efektive pozitive edhe në Francë. Mjeku foli edhe për tre medikamente të tjera, për të cilat u shpreh se po testohen masivisht.
“Ky më shumë është bërë një debat në media. Por nuk është e drejtë sepse njerëzit edhe ku shohin një shpresë e mendojnë ndryshe. Është përdorur në Kinë, ka dhënë rezultate pozitive në jug të Francës, në Marseille në mos gaboj. Dhe përderisa ka dhënë rezultate pozitive nuk ka pse të mos përdoret. Edhe në New York ka filluar të testohet masivisht. Fillohet me një numër të vogël dhe më pas shtohet numri. Por nuk është vetëm ky medikament. Janë edhe tre të tjerë që të përdoren. Për siguri po përdoren në zona lokale, fillimisht në New York,“- shtoi mjeku.
Numri i prekurve me Covid-19 në vendin tonë sot ka shkuar në 104, ndërsa numri i viktimave ka shkuar në 4. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Ndërkohë harta e të prekurve në vend sa vjen dhe zgjerohet. Sot janë shënuar të infektuar edhe në Vlorë e Shkodër. Qytetarët sot e kanë ndaluar që të dalin pas orësh 13:00 nga shtëpia, ndërsa lëvizja ka nisur që në 5 të mëngjesit pasi ka hyrë në fuqi “ligji i luftës.” Kryeministri Edi Rama njoftoi se për të ruajtur rendin dhe parandalimin e përhapjes së COVID-19, do të përdoret edhe forca bashkë me gazin lotjsjellës. Ndërkohë që në rrugë ka dalë ushtria dhe Policia.