Në një kohë që nuk dihet fati i grupit të Sali Berishës dhe të kandidatëve të tij pasi nesër do të flasë Gjykata e Apelit për çështjen se kujt i takon vula, Partia e Lirisë është regjistruar në KQZ, si subjekt zgjedhor për zgjedhjet lokale të datës 14 Maj.
“Në respekt të Nenit 64 e në vijim të Kodit Zgjedhor të Republikës së Shqipërisë, Partia e Lirisë është regjistruar në Komisionin Qendror të Zgjedhjeve, si subjekt zgjedhor për zgjedhjet për njësitë e qeverisjes vendore, të datës 14 Maj”,-thuhet në njoftimin e Partisë së Lirisë.
Kujtojmë se Partia e Lirisë ka nënshkruar në tetor të vitit të shkuar një marrëeshje bashëpunimi me Partinë Demokratike për zgjedhjet vendore të kësaj pranvere. Sipas marrëveshjes, PD dhe PL kanë vendosur që konkurrimi për Kryetarët e Bashkive do të bëhet me kandidatë të përbashkët, të cilët dalin nga konkurrimi në primare.