Besimtarët myslimanë në mbarë botën nisin nesër (1 mars) Muajin e Shenjtë të Ramazanit.
Presidenti i Partisë së Lirisë, Ilir Meta, ka uruar besimtarët myslimanë muajin e shenjtë të Ramazanit.
Nga qelia, përmes një postimi në rrjetin e tij social, Facebook, Meta uron besimtarët agjërim të lehtë.
“GËZUAR MUAJIN E BEKUAR TË RAMAZANIT! Ju uroj nga zemra të gjithë besimtarëve myslimanë shqiptarë agjërim të lehtë, të pranuar, të shëndetshëm dhe me mbarësi!
“Mos u ligështoni dhe mos u pikëlloni, sepse ju, gjithsesi jeni më të lartët, nëse jeni besimtarë të vërtetë.” – Kuran
Me besimin në Zot, u bashkohem lutjeve për bekime, shëndet dhe lumturi në çdo familje shqiptare”, shkruan Meta në Facebook.