Presidenti Ilir Meta, i ftuar në emisionin “Të Paekspozuarit”, është shprehur pro kontrollit për shëndetin mendor, për zyrtarët e lartë.
Meta ka deklaruar se është i gatshëm t’i nënshtrohet vizitave për shëndetin mendor.
Ai u pyet nga gazetari Ylli Rakipi, lidhur me kryeministrin Rama dhe dyshimet për shëndetin mendor të këtij të fundit. Rakipi e pyeti presidentin, nëse duhet të ketë një ligj për të detyruar zyrtarët t’i nënshtrohen këtyre analizave. Meta u shpreh se nuk do të ishte keq, që një ligj i tillë të ekzistonte.
“Edhe pa ligj, nëse dikush dyshon, jam gati t’i nënshtrohem çdo kontrolli për shëndetin mendor dhe shëndetin në përgjithësi”, tha kreu i shtetit.