Kartëmonedhat e një vendi janë pjesë e identitetit kombëtar të tij.
Në cilësinë e emetueses së vetme të monedhës dhe kartëmonedhës shqiptare, Banka e Shqipërisë ka përzgjedhur të ndjekë konceptin e pasqyrimit të epokave historike nëpërmjet paraqitjes së portreteve të personaliteteve simbol të tyre në serinë aktuale të kartëmonedhave.
Krahas portretit të personit, dizajni i kartëmonedhës përfshin edhe elemente të tjera stilistike, të cilat lidhen me arritje të veçanta të figurës historike të portretizuar.
Seria aktuale e kartëmonedhave përfshin këto periudha:
– Kartëmonedha 2000 lekë përfaqëson epokën ilire (portreti i Mbretit Ilir Gent) – Kartëmonedha 5000 lekë përfaqëson periudhën e Skënderbeut (portreti i tij) – Kartëmonedha 1000 lekë përfaqëson Mesjetën (portreti i Pjetër Bogdanit) – Kartëmonedha 200 lekë përfaqëson Rilindjen (portreti i Naim Frashërit) – Kartëmonedha 500 lekë përfaqëson Pavarësinë (portreti i Ismail Qemalit) – Kartëmonedha 10000 lekë me simbolet e flamurit kombëtar dhe himnit, në proces të prodhimit (portreti i Asdrenit).