Kryetari i bashkisë Dibër Dionis Imeraj ka urdhëruar vartësit e tij t’i kushtojnë vëmendje simboleve të Luftës Nacionalçlirimtare, lapidarëve, varrezave, pllakave përkujtimore dhe institucioneve që merren me histroinë. Në kuadër të festës së Çlirimit të Dibrës, janë marrë masa serioze për ndryshimin e situatës. Imeraj ndër të tjera shkruan se:
“Në kuadër të përgatitjeve për 75- vjetorin e Çlirimit të Dibrës me 23 Gusht, si dhe të krijimit të Brigadës së 18-të Sulmuese kemi ndërmarrë iniciativën për lyerjen dhe sistemimin e lapidarëve, busteve dhe Varrezave të Dëshmorëve. Deri më sot janë përfunduar lapidari i Topojanit, i Moranicës, i Melanit, i Sllovës, busti i heroit “Nazmi Rushiti” dhe “Gjok Doçi”, si dhe janë pastruar e sistemuar Varrezat e Dëshmorëve. Ndërkohë vazhdon puna e pandërprerë për lyerjen e lapidarëve përgjatë rrugës nacionale deri në Njësinë Administrative Kala e Dodës”.