Ish-kryeprokurorja e Tiranës Elisabeta Imeraj e cila ndryshe njihet si prokurorja e dosjeve të bujshme, ka folur për shkarkimin dhe akuzat ndaj saj. Imeraj tha se ajo ishte ndër të vetmet prokurore që tentoi të thotë se një prokuror, mund dhe duhet të ketë dinjitet.
“S’ka patur asnjë lloj tentiave, direksioni, qëllimi që kjo të jetë një përballje mes meje. Ndoshta si prokurore e Republikës së Shqipërisë, isha ndër të paktët që tentova të them se një prokuror mund dhe duhet të ketë dinjitet.
Nuk ka pse kjo të merret si sulm, provokim për të bërë një gjë që nuk duhet. Ka një denoncim anonim të dy data. Këtij denocimi anonim i është vënë një emër i rremë. Ata që janë shkruar që kjo përgjon vëshguesit ndërkombëtarë.
Ajo çfarë shihet është një lëvizje të disa njerëzve të cilët në mënyrë të detajuar kanë informacion se çfarë ndodh aty brenda siç është gushti i vitit 2020 ose marsi i 2021.
Unë bie dakord me çfarëdo lloj ndërkombëtari që synon dhe pretendon që në një shtet siç është Republika e Shqipërisë të mbrojë kolegët e vet, por unë nuk mund të pranoj si kolegët shqiptarë nuk hapin sytë.
Nuk është puna se ju bë një padrejtësi Elisabetës, nuk është episod i mirë të zgjedhësh në moshën 40 vjeçare profesion tjetër në jetë, por prap është një çështje që zgjidhet”, tha Imeraj.