Miss Universe Albania 2021, Ina Dajçi, ishte e ftuar këtë të premte “Në Kurthin e Piter Pan”. Ajo ka folur për marrëdhënien me Miss-et e tjera.
“Nuk ndjej konkurrencë vetëm nga gjinia femërore, sepse kam patur edhe kontakte me gjininë e kundërt gjatë punës si arkitekte. Për sa i përket Miss-eve, kam marrëdhënie shumë të mira dhe disa prej tyre i kam mikesha”, tha Ina.
Mirëpo, një nga pyetjet që ra më shumë në sy dhe shkaktoi humor ishte e lidhur me jetën e saj personale.
“O Ina këtu në Shqipëri kur gocat rriten u thonë kur do martohesh, kur do martohesh. Po ty të thonë kështu?” -pyeti një nga fëmijët të cilit Ina u përgjigj:
“Mua më pyesin mëngjes, drekë, darkë. Në fakt në New York nuk më pyesin, vetëm këtu ndodh.”