Kombëtarja shqiptare ka tashmë “shtëpinë e re”. Ditën e djeshme është inaguaruar stadiumi i ndërtuar në gërmadhat e impiantit të vjetër “Qemal Stafa”.
Në një ceremoni që zgjati për disa orë, presidenti i UEFA-s, Aleksander Ceferin, kreu i FSHF, Armand Duka dhe kryeministri i Shqipërisë, Edi Rama kanë prerë shiritin e stadiumit prej 21.700 vendesh. Ndërkohë, ditën e sotme, presidenti i Federatës Shqiptare të Futbollit, Armand Duka ka falenderuar pjesëmarrësit, veçanërisht kreun e UEFA-s, Ceferin që ishte pjesë e kësaj dite historike për futbollin shqiptar.
“17 Nëntor. Ditë e jashtëzakonshme, inaugurimi i investimit më të madh në historinë e futbollit. Shumë i nderuar nga pjesëmarrja e Presidentit të UEFA-s, mikut tim Aleksander Ceferin dhe homologëve nga federatat e tjera” shkruan Duka në rrjetin social “Facebook”.
Dueli i parë zyrtar në këtë impiant ishte ai kualifikues i Euro 2020 mes Shqipërisë dhe Francës, fituar nga kampionët në fuqi të Botës me rezultatin 2-0.
