Një incident mes Kosovës dhe Maqedonisë së Veriut është në vazhdim e sipër, pas ndalimit të ish-ushtarit të UÇK-së Tomor Morina nga ana e policisë maqedonoveriore.
Lidhur me ndalimin ka reaguar shpejt Ministria e Punëve të Jashtme, e cila pohoi se arrestimi erdhi pas një fletarresti të lëshuar nga ana e Serbisë.
Ndërkohë, Maqedonia Veriore e ka konsideruar fletarrestin si “urdhër të Interpol-it”, organzizatë të cilën Serbia e shfrytëzon për qëllime larje hesapesh të para 20 vitesh me ish-ushtarët e UCK-së.
Kujtojmë se kjo nuk është hera e parë që kryhen ndalime të tilla, as nga Maqedonia e as nga vendet e tjera.
Serbia ka lëshuar afro 170 fletarreste përmes Interpolit për ish-pjesëtarët e UÇK-së. Në bazë të një fletarresti të tillë ishte arrestuar dikur edhe ish-kryeministri i Kosovës, Ramush Haradinaj.