Maja Janeska, një influencuese e bukurisë në internet me më shumë se 1.2 milionë ndjekës në “Instagram”, është gjetur e vdekur në “rrethana misterioze”. Kështu shprehen mediat lokale dhe anëtarët e familjes.
Hetuesit e policisë thanë se Janeska, 39 vjeç, u gjet me një plagë në kokë në shtëpinë luksoze që ajo ndante me të dashurin e saj manjat Kyle Phillips në Afrikën e Jugut. Kyle tha se po lante dhëmbët kur dëgjoi një të shtënë nga dhoma e gjumit.
“Pas mbërritjes në adresën e dhënë, policia gjeti një grua në dhomën e gjumit me një plagë me armë zjarri në kokë. Kishte një armë zjarri pranë saj. Gruaja u konfirmua e vdekur nga mjekët”, tha zëdhënësja Mavela Masondo në një deklaratë, citojnë mediat e huaja.