Vajza e Inis Gjonit, Coco Antonel dhe djali i Ingrit Gjonit, Paridi, kanë festuar sot një ngjarje shumë të rëndësishme. Dy të vegjëlit kanë qenë së bashku në “Festën e Abetares”, momenti më i rëndësishëm për një fëmijë, i cili përmbyll vitin e parë të shkollimit.
Momentet më emocionuese dhe speciale nga ky event i ka ndarë me të gjithë Ingriti, e cila nuk i ka përmbajtur dot emocionet. Dy motrat kanë qenë në çdo çast me fëmijët duke treguar mbështetjen ndaj tyre. Të vegjëlit shfaqen duke recituar, të veshur bukur dhe me fleta lavdërimi në duar.
Coco Antonel dhe Parid janë moshatarë dhe siç dy motrat e famshme të showbiz-it kanë rrëfyer në intervista të ndryshme, lidhja e tyre është shumë e fortë dhe janë të pandashëm.
