Një ngjarje e pazakontë ka ndodhur së fundmi, ku një burrë 33 vjeçar, identiteti i të cilit nuk është bërë i ditur, ka pushtuar mediat e huaja pasi për 18 muaj rresht kishte injektuar spermë në krahun e tij. E gjitha u zbulua kur burri kishte shkuar në spital pasi kishte pasur disa dhimbje të padurueshme në kurriz dhe mjekët gjatë kontrollit, vunë re parakrahun e tij të enjtur. 33 vjeçari u shpreh për bluzat e bardha se kishte injektuar diçka në vena dhe ndaj i ishte enjtur krahu. Pasi kryen analizat e detajuara, mjekët zbuluan se ai kishte injektuar spermë. Injektimi i saj në vena mund të sjellë infeksione dhe bllokim të enëve të gjakut, të cilat mund të jenë fatale për jetën. Por, rasti i 33 vjeçarit nuk ishte i tillë; në vend që ta injektonte në venë, ai e kishte injektuar spermën në muskul dhe si pasojë, kishte marrë një infeksion serioz të indit nën lëkurë, i cili mund të kurohet me një antibiotik të fortë, pasi burri nuk i lejoi që t’i pastronin krahun. E gjithë çmenduria e burrit dhe arsyeja e këtij veprimi, ishte për shkak se 33 vjeçari kishte dëgjuar se injektimi i spermës në vena shërbente si një ilaç popullor kundër dhimbjeve kronike të legenit.
Burimi: Washington Post