Kreu i grupit parlamentar socialist Taulant Balla përmes një postimi në Facebook ka reaguar lidhur me propozimin e sotëm të kreut të shtetit Ilir Meta për zgjidhjen e krizës politike në vend.
Sipas Ballës, Meta ka dhënë një provë tjetër të nevojë për lirimin e zyrës ku ka humbur të drejtën të qëndrojë. “Ne po presim të votojmë Komisionin Hetimor për shkarkimin e tij dhe do të presim pastaj raportin e Komisionit për të miratuar shkarkimin, të cilin natyrisht do ta shqyrtojë Gjykata Kushtetuese, por deri atëherë jemi të vetëdijshëm se do të kemi një President që si njeri meriton keqardhje, si politikan meriton injorim, si president meriton vetëm shkarkim! Dhe për sjelljen prej gaztori cirku sot dhe gjatë gjithë këtyre kohëve, meriton vetëm përqeshje popullore!, thotë Balla në statusin e tij në Facebook.