Më datë 23 maj, Ministri i Jashtëm i Greqisë, Nikos Dendias do të zhvillojë një vizitë në Tiranë e cila do të kryhet në kuadër të një turi takimesh që ai do të ndërmarrë në vendet e Ballkanit Perëndimor. Mësohet se fokusi i takimeve do të jetë kryesisht integrimi i rajonit në Bashkimin Europian.
Gjatë vizitës në Tiranë, kryediplomati grek ai do të zhvillojë takim me kryeministrin Rama dhe Ministren e Punëve të Jashtme, Olta Xhaçka, ku pritet të diskutohet për nisjen e disa projekteve të përbashkëta në fushën energjetike apo projekte infrastrukturore.
Me interes pritet të shihet nëse do të preket edhe çështja e Detit, për të cilën dy vendet janë dakordësuar për ta zgjidhur në Gjykatën e Hagës, por deri në këto momente nuk janë bërë hapa konkret.