Me shumë mundësi Paulo Dybala do ta mbyllë sivjet aventurën në Torino pas 7 sezonesh. Kjo pasi ai akoma nuk e ka rinovuar kontratën me klubin aktual të Juventusit dhe kjo të bën të dyshosh shumë për një largim të tij në fund të sezonit. Të ndodhur në këtë situatë, sipas asaj që raporton “TodoFichajes”, Interi është duke negociuar me agjentin e lojtarit.
Klubi lombard duhet të inkorporojë talentin pas një viti tranzicioni dhe transferimi i argjentinasit do të përshtatej në mënyrë perfekte me nevojat ekonomike të entitetit pasi nuk do të ishte e nevojshme të paguhej një shifër për transferimin.
Burime pranë “TDF” pohojnë se bisedat po ecin me ritme të shpejta në ditët e fundit dhe madje lojtari tashmë i ka thënë po interistasve për të zbritur në Milano sezonin e ardhshëm.