Tymnaja e krijuar nga Kristiano Ronaldo me një intervistë ku nuk është kursyer kundër Mançester Junajtid, drejtuesve dhe trajnerit Ten Hag, ka qenë tema e ditës në Angli.
Natyrshëm, nuk mund të mungonte as një reagim nga klubi, i cili është vënë në diskutim nga portugezi.
Ky i fundit e cilësoi ambientin e “djajve të kuq?’ si të ndalur në kohë që kur ishte larguar Aleks Ferguson, i keqmenaxhuar dhe që kishte humbur shumë nga progresi që kishin bërë klubet e tjera.
“Klubi do të marrë në konsideratë të përgjigjet pasi të saktësohen faktet e plota.
Fokusi ynë mbetet në përgatitjen për pjesën e dytë të sezonit dhe vazhdimësinë e ecurisë, besimit dhe bashkimit që po ndërtohet rreth lojtarëve, trajnerit, stafit dhe fansave”, shkruhej në komunikatën zyrtare të Mançester Junajtid që parashikon praktikisht masa ndaj portugezit.