Përfundon në barazim sfida e Serisë A mes dy vëllezërve Inzagi, me Filipon i cili në drejtimin e Beneventos së tij ndali Lacion e Simones në rezultatin 1-1. Një barazim që në fakt ka pasur shijen e humbjes për bardhekaltrit, të clët kanë humbur përsëri terren ndaj skuadrave të rkeut dhe duken në vështirësi të mëdha në kampionat.
Lacio ia doli që të kalonte në avantazh me të zakonshmin Imobile, i cili shënoi një gol të shkëlqyer me një goditje fluturimthi, por Skiatarela gjeti barazimin me goditjen e tij para pushimit të ndeshjes, duke vendosur barazpeshën. Më pas, ekipi i SuperPipos administroi gjithçka me shumë kujdes, duke mos lënë hapësira para portës së vet, ndërsa u deshën disa pritje të Reina, përsëri titullar para Strakoshës, për të evituar një humbje të Lacios.
Tani skuadra bardhekaltër e sheh veten 5 pikë larg zonës së Liëgs së Kampioneve dhe me të gjithë skuadrat që ka para që nuk kanë luajtur ende. Ndërsa edhe kalendari nuk e favorizon aspak, pasi do të luajë në javët e ardhshme me Napolin e Milanin.