Në Irak me ligjin e ri, është ndaluar alkooli dhe politikanët e krishterë në Irak po përpiqen të rrëzojnë ligjin që ndalon importin dhe shitjen e alkoolit. Grupi i krishterë, që ka 5 deputetë në parlamentin e Irakut, e dërgoi ligjin në gjykatë, duke e quajtur jodemokratike.
Konsumimi i alkoolit në ambientet publike është i ndaluar në Irak, ku shumica e popullsisë janë të besimit mysliman, por alkooli mund të blihet në dyqane të posaçme dhe lokale të licencuara.
Ligji ishte miratuar fillimisht në vitin 2016, por hyri në fuqi vetëm në shkurt, pasi u botua në fletoren zyrtare. Sipas tij, ndalohet shitja, importi dhe prodhimi i alkoolit. Për kundërvajtësit zbatohet një gjobë që arrin deri në 25 milionë dinarë irakianë, ose 16 mijë euro.