Një numër i madh njerëzish u grumbulluan jashtë burgut të Rajaeishahr në qytetin Karaj të Iranit, pas raportimeve për ekzekutimin e mundshëm të dy të rinjve të dënuar me vdekje për pjesëmarrje në protestat kundër qeverisë në vend.
Tre persona të tjerë janë dënuar me vdekje për vrasjen e pjesëtarëve të forcave të sigurisë në Isfahan, gjatë protestave. Ata u shpallën fajtorë për “sulm të armatosur terrorist” dhe se kishin qëlluar dhe vrarë tre anëtarë të forcave të sigurisë. Ata u dënuan me vdekje për minim të sigurisë së vendit duke udhëhequr një grup kriminal.
Republika Islamike ka qenë skena e protestave që kur Mahsa Amini, një kurde iraniane vdiq më 16 shtator pas dhunës së ushtruar nga policia e moralit sepse nuk kishte vendosur si duhej velin që i duhej t’i mbulonte fytyrën.