Ministri i Jashtëm i Iranit, Abbas Araghchi, ka thënë se zgjedhja e një udhëheqësi të ri suprem do të vendoset nga Asambleja e Ekspertëve të vendit, duke theksuar se kjo është një çështje e brendshme e popullit iranian.
Në një intervistë me NBC-në, Araghchi tha se institucionet politike të Iranit po vazhdojnë të funksionojnë normalisht.
“Një udhëheqës i ri suprem do të zgjidhet së shpejti nga Asambleja e Ekspertëve”, tha ai, duke shtuar se presidenti, kabineti dhe parlamenti po vazhdonin detyrat e tyre.
Ai gjithashtu kundërshtoi komentet e Presidentit të SHBA-së, Donald Trump, duke thënë se Irani nuk do të lejonte ndërhyrje të jashtme në punët e tij të brendshme.
“Varet nga populli iranian të zgjedhë udhëheqësin e tij të ri. Është vetëm punë e popullit iranian dhe e askujt tjetër”, theksoi ai.