Ish-aktivisti i Vetëvendosjes, Naim Ramizi i plagosur në protestën e 10 shkurtit të vitit 2007, ia ka kërkuar kryeministrit Albin Kurti, që t’ia kthejë mbrapsht bluzën e gjakosur nga plumbat në atë protestë. Me anë të një postimi në Facebook, Ramizi shkruan se kjo kërkesë ka ardhur pas darkës së Kurtit me Presidentin serb Aleksandër Vuçiç. Ai i ka thënë Kurtit që nuk është i denjë që ta mbajë atë bluzë.
Postimi i Plotë:
Jo Negociata, Vetëvendosje Neve na morën plumbat derisa po kundërshtonim negociatat atëherë kur ti rrije qosheve t’protestës e prapa kordonit t’policisë që na merte në shenjë. Bluzën e lava n’gjak atë ditë duke t’besu ty o mashtrues, atë bluzë ta dhash dhuratë me të kujtu diçka..! Sot po ta kërkoj prapa ngaqë nuk je i denjë që ta mbashë. Gjaku e sakrifica e shumë aktivisteve të ka shërby si trampolinë deri te karrigja e Kryeministrit.
