Edvin Kulluri, ish-anëtar i Këshillit Kombëtar Demokrat thotë se Basha dhe Rama po bëhen gjithnjë e më të vetmuar. Referuar deklaratave dhe akuzave të PD-së kundër KQZ për 13 Tetorin, edhe pse nuk është regjistruar, Kulluri thotë se Rama ka dy vite që e merr zvarrë nga humbja në humbje.
“Ja pra që as në 13 tetor nuk do futet në zgjedhje! Kush ishte Kim Philby?! Ju ka aleati i madh xhan, ju ka aleati shpirt! Apo e ka Rama fajin se ka 2 vjet që ju merr zvarrë nga humbja në humbje?!
Rama dhe Basha gjithnjë e më të vetmuar! Pakënaqësia e gatshme për shpërthim e socialistëve ndaj Rilindjes, bojkoti masiv i demokratëve ndaj Republikës së Re, aleatët e djathtë dhe Presidenti po i fusin gjithnjë e më shumë “në cep” çiftin që kanë marrë peng Shqipërinë!
Por shumë prej tyre po flasin vonë, por më mirë se kurrë! Nuk u ngritën për parime, por kur humbën gjithçka! Por gjithsesi rëndësi ka të shpëtohet çfarë ka mbetur nga establishmenti”, shkruan ai në postimet e tij në Facebook.