Ish-kreu i LPK-së Bedri Islami, thotë se raporti i Dick Marty, ku flitet për ekzistencën e shtëpisë së verdhë, nuk është i hartuar prej tij. Sipas Bedri Islamit, Dick Marty ka qenë vetëm korrieri i këtij raporti ndërsa hartuesit kanë qenë shërbimet sekrete serbe.
“Në të vërtetë raporti nuk është i Dick Marty-t, ai është korrieri. Raporti është shkruar nga zyra e prokurorit special serb për çështjet e luftës në Beograd. Ky raport i është dorëzuar nën stacionin e trenit në Zvicër nga ambasadori Serb dhe nga Prokurori i përgjithshëm serb për këtë çështje. Pra është një raporti që i është dhënë Dick Marty-t për ta përcjellë më tej.
Pastaj dihet historia që ai kishte frikë eliminimin. pra ky raport ka qenë i shërbimit sekret serbë. Pasi ky raport u publikua ndodhi një tronditje në strukturat ndërkombëtar sepse është një akuzë e përbindshme dhe u bë e domosdoshme që për të zbuluar të vërtetën të krijohej kjo gjykatë”,-tha për Euronews Albania ish-kreu i LPK-së Bedri Islami.