Ditën e martë pritet të fillojë emisioni investigativ “Piranjat’, i cili do të drejtohet nga Florian Binaj dhe Arilena Ara.
Mirëpo, ende pa filluar emisioni ka nga ata që janë shqetësuar për materialet që do të transmetohen në të, pasi dyshojnë se mund të kenë rënë “në rrjetë”. Një ndër ta është ish-deputeti Kujtim Gjuzi, i cili bëri një deklaratë të fortë përballë Enkel Demit dy ditë më parë.
Gjuzi tha se nëse gazetarët nuk silleshin sipas protokollit ai nuk do të shkelte fare as në emisionin e Enkel Demit dhe as në ambientet e ABC.
“Unë mund të vë kushtin që jo vetëm që nuk vij më këtu, por nuk vij ne ABC fare. Se është edhe një emision që do të nxjerrë diçka dhe unë i kam thënë që nëse e bëni unë do t’ju çoj te gjykata”, tha Gjuzi, ndërsa Enkel Demi e pyeti me habi nëse ishin “Piranjat”?