Pritej që Arbër Çyrbja të akomodohej në një klub të ri këtë merkato janari, teksa futbollisti u duk se mbylli bashkëpunimin me Gjilanin. Madje, për ish-futbollistin e Teutës tregoi interes edhe Vllaznia, megjithatë së fundmi diçka ka ndryshuar.
Anësori do të qëndrojë në Superligën e Kosovës dhe është bashkuar me skuadrën në fazë përgatitore për të qenë sa më i gatshëm në fazën e dytë të kampionatit.
Për Gjilanin, qëndrimi i 27-vjeçarit mund të konsiderohet si një blerje e re, ndërsa lojtari garanton kualitet falë aftësive teknike. Pjesën e parë të sezonit Gjilani e mbylli në vend të katërt me 29 pikë të grumbulluara.