Ukraina mund t’i japë një goditje shkatërruese Kremlinit duke sulmuar urën e ngushticës Kerch, e cila lidh Rusinë kontinentale me Krimenë, duke përdorur raketat e sapodorëzuara Harpoon, tha për The Times ish-komandanti i NATO-s, Philip Breedlove.
Gjenerali Philip Breedlove, i cili ishte Komandanti Suprem i Aleatëve për Evropën nga viti 2013 deri në 2016, tha se sulmi në urë ishte i justifikuar nga agresioni i Rusisë kundër Ukrainës nga të gjitha anët.
“Ura e Kerch-it është një objektiv legjitim,” tha ai. Është një urë që lidh qytetin e Kerch-it në Krime dhe Gadishullin Taman në Rusi dhe është jashtëzakonisht e rëndësishme për Rusinë. Është e gjatë 19 kilometra.
The Times shkruan se rusët po përgatiten për një sulm të mundshëm nga Ukraina në urë.
“Rusia është agresori. Ajo ka nisur sulme jo vetëm nga Ukraina, por edhe nga Rusia, Bjellorusia, nga Krimea…
Prandaj, nuk ka asnjë arsye që dikush të pyesë nëse është e drejtë që Ukraina të sulmojë urën dhe të marrë një të tillë veprim agresiv”, tha ai.