Sot u nënshkrua në Bruksel Protokolli për anëtarësimin e Maqedonisë së Veriut në Aleancën Veri-Atlantike. Secili shtet anëtar i NATO-së veç e veç nënshkroi Protokollin, ndërsa shteti i parë që vuri firmën ishte Republika e Shqipërisë.
Edhe personi që e firmosi nga vendi ynë ishte pikërisht Visho Ajazi Lika, I cili më herët ka mbajtur detyrën e kreut të Shërbimit Informativ.
Pranimi i Shqipërisë në NATO erdhi si rezultat i zgjerimit të Aleancës, me një vendim historik të 3 prillit 2008, kur 26 krerë shtetesh dhe qeverish të mbledhur në Bukuresht vendosën që Shqipëria dhe Kroacia të nisin procedurat e anëtarësimit. Aktualisht në NATO janë 29 ambasadorë nga po aq vende pjesëmarrëse, ku nëntë prej tyre janë femra. Kryesisht, janë ambasadorë me të kaluar “civile”, dhe diplomuar apo master në Shkenca Politike, Marrëdhëniet Ndërkombëtare, Çështjet e Sigurisë.
Visho Ajazi Lika pasoi në detyrë Leonard Demin i cili u emërua në vitin 2014, njëherësh i dyti në këtë detyrë, pas Artur Kukos (2009-2014). / tirananews.al