Ish-kryeministri i Italisë Silvio Berlusconi rezulton pozitiv me COVID-19. Sipërmarrësi dhe politikani i vjetër është asimptomatik nga sëmundja dhe është vetëizoluar në shtëpi.
Lajmi u konfirmua nga mjeku i tij personal Alberto Zangrillo në Milano.
“Berlusconi ka rezultuar pozitiv me sëmundjen, pas një qëndrimi kohët e fundit në Sardenja.”
Natyrisht që ka shqetësime të shtuara për dikë si Berlusconi, i cili mbush 84 vjeç këtë muaj dhe rrjedhimisht përfshihet në kategorinë e rrezikut më të lartë nga sëmundja.
Rastet e koronavirusit janë shtuar së fundmi mes vizitorëve në ishullin turistik të Sardinia.
Në muajt e dimrit kur virusi ishte në kulmin e tij, ishulli kishte pasur relativisht pak raste.
Berlusconi ka qenë presidenti i skuadrës së Milan për më shumë se 30 vjet ndërsa tani drejton skuadrën e Monza, e cila sapo u ngrit në kategorinë e dytë italiane Serie B.