Ish-ministri jep alarmin: Kujdes me ngrohjen me dru, qymyr dhe gaz. Mund të jenë fatale

Ish-ministri i Bujqësisë Edmond Panariti i ka bërë thirrje qytetarëve q ëtë tregohen të kujdesshëm gjatë periudhës së dimrit me ngrohjen. Ai thekson se ngrohja me dru, qymyr dhe gaz mund të jenë fatale. “Po vjen dimri! Kujdes me ngrohjen me dru, qymyr dhe gaz. Mund të jenë fatale!…. …. Thëngjijt e padjegur mirë të mangalleve, të sobave me dru dhe atyre me gaz, mund të na vrasin shpejt dhe pa u ndjerë!………….. Ky ishte fati i hidhur dhe tragjik i çiftit të ri nga Librazhdi…. Monoksidi i karbonit, i çliruar nga djegia e paplotë, e zëvendëson rrufeshëm oksigjenin e gjakut tonë dhe dëmton në kohë rekord trurin dhe organet e tjera . Ky gaz nuk shihet dhe as nuhatet, sepse për fat të keq nuk ka as erë dhe as ngjyrë..Helmimi fillon si dhembje koke dhe turbullim që mund të ngatërrohet fare lehtë me gripin e zakonshëm .. Në doza të larta të ekspozimit ndaj gazit, për tre minuta të bie të fikët dhe për pesë minuta je i vdekur … Ndaj kujdes! Në shenjat e para të dhembjes së kokës apo të turbullimit duhet urgjent të dalim në ajër të pastër sa nuk është vonë”, shkruan Panariti.