Gjatë një vizitë me konsullin e nderit për Shqipërinë në Ukrainë, ministri i shtetit për Diasporën Pandeli Majko përmend mes reshtave komuniteti i UDI në Azerbajxhan ishin një prej 26 fiseve shqiptare që jetonin në kakukaz në shekullin e V.
Por mjaft i ashpër ka qenë reagimi i ish-ministrit socialist Taulant Dedja ndaj kësaj deklarate, për të cilën kërkon shkarkimin urgjent të Majkos, që siç e thotë dhe vetë dikur ka punuar me të.
“Ju ftoj të lexoni më poshtë një status të Ministrit të Shtetit për Diasporën. Nuk e dija që ky njeri (me të cilin kam punuar dikur) paska kaluar në delir, për të mos thënë që ka lajthitur plotësisht. Ky duhet shkarkuar urgjent, por kush ta shkarkojë? Kryeshallvarexhiu? Tani na nxorri që jemi me origjinë nga Kaukazi?!?!? O Majko mavria thirri mëndjes! O delirant që bllokove armatimin e UÇK më 1999 mos fyej shqiptarët! Mos bëj lojë serbo-ruse! Lexo burimet historike që të mësosh që s’kanë lidhje UDI-të e Kaukazit me ne shqiptarët e Gadishullit Ilirik! Ti qënke turpi i Diasporës jo Ministri i Shtetit për Diasporën! Unë personalisht nuk të njoh më si të tillë! Kthehu në Kaukaz se mbase prej andej ke ardhur!”, shkruan Dedja në një status në Facebook.
Vetë Majko në foton e postuar kishte shkruar: “Foto e ditës / Sot me Shahin Omarov, konsull nderi për Shqipërinë në Ukrainë prej vitit 2015 dhe Robert Mobili, kryetar i komunitetit shqiptar ortodoks Udi në Azerbajxhan. Kjo është hera e parë që një përfaqësues i komunitetit shqiptar të Azerbajxhanit zhvillon një takim në institucion zyrtar shqiptar.
Komuniteti Udi, një prej komuniteteve më të vjetra në Azerbajxhan, është pasardhës i fisit Udi, një prej 26 fiseve shqiptare që jetonin në Kaukaz, rreth shekullit V. Sot ata janë rreth 4 mijë banorë të vendosur në fshatin Nij, ku ende vazhdojnë të ruajnë gjuhën, fenë, kulturën dhe traditat e të parëve të tyre.”