Sipas informacioneve, ish-ministri i mjedisit, Lefter Koka është transferuar në paraburgimin e Durrësit. Mësohet se vendimi për kalimin e Kokës në Durrës ka ardhur në një kohë kur në burgun “313” u vendos ish-deputeti i PS-së Alqi Bllako.
Shkak për këtë lëvizje është që të mos ketë kontakte mes dy të arrestuarve për aferën korruptive të Inceneratorëve.
Ndërkaq, ditën e nesërme në orën 10:00, Prokuroria e Posaçme do të marrë në pyetje ish-ministrin e Mjedisit, Lefter Koka, ku pritet që ky i fundit të japë sqarime për çështjen. Theksojmë se Koka vijon që të qëndrojë në qelinë e burgut që prej muajit dhjetorit 2021, pasi dyshohet për abuzime me dy koncesionet për ndërtimin e inceneratorit të Fierit dhe Elbasanit.
Ju kujtojmë se kur Lefter Koka mbante postin e Ministrit të Mjedisit, ish-deputeti Alqi Bllako mbante detyrën e sekretarit të përgjithshëm në këtë ministri, ndërsa ndaj ish-zyrtarëve rëndon e njëjta akuzë.